Қостанайлық компания бір жыл бойы кен орнын заңсыз қазған

Қостанай облысында «Огнеупорснаб» компаниясы бір жыл бойы Арқалық кен орнынан отқа төзімді саз балшықты заңсыз өндіріп сатқан. Өнім көлемі 7 мың тоннадан асады. Қаржылық мониторинг агенттігінің облыстық департаменті лауазымды тұлғаларға қатысты аса ірі көлемде техногендік минералды түзілімдерді жымқыру фактісі бойынша тергеу жүргізіп жатыр.

Ернар Тайжан, ҚМА ресми өкілі:

Бұл – Қазақстан халқының меншігі болып табылатын табиғи ресурстарды ұрлауға, сондай-ақ мемлекеттің экономикалық және экологиялық мүдделеріне зиян келтіруге әкелетін қылмыстық әрекет. ҚР Қылмыстық-процессуалдық кодексінің 201-бабына сәйкес өзге мәліметтер жариялауға жатпайды.

Мәдина Нағашыбай