Үндістандағы алапат тасқыннан 30 адам қаза тапты

Үндістанның солтүстігіндегі Пунджаб штатында төпелеп жауған жаңбыр мен алапат тасқыннан 30 адам қаза тапты. Тағы 354 мыңы зардап шеккен. Қазір аймақтағы резервуар мен өзендер арнасынан асуға жақын. Сондықтан, 23 ауданда төтенше жағдай жарияланды. Бұған қоса, төменде орналасқан елді мекендерден 20 мыңдай адам эвакуацияланды. Олар үшін уақытша шатырлар тігіліп жатыр. Пунджабтың бас министрінің мәлімдеуінше, бұл осы штатта 1988 жылдан бері болған ең үлкен су апаты. Одан 148 мың гектар егістік алқабы жойылған. Сол себепті ауылшаруашылығына тәуелді 30 миллион тұрғынның жағдайы алдағы уақытта тіпті қиындауы мүмкін. 

Арыстан Рысбек