Жетісу облысының ІІД қызметкерлері жолдауды тыңдады

Жетісу облысының Ішкі Істер департаментінің қызметкерлері Президент Жолдауын бірге тыңдады. Мемлекет басшысы соңғы уақытта елімізде интернет-алаяқтық көбейіп кеткенін алға тартып, құқық қорғау органдарының қызметіне өзгеріс енгізу керектігін айтты. Ол үшін интелектуалды жүйе құру қажет деп мәлімдеді. Былтыр киберқылмыспен күресу мақсатында арнайы антифрод орталығы жұмысын бастаған болатын. Нәтижесінде Жетісу облысында 338 интернет-алаяқтық қылмыстары тіркеліп, 142 іс сотқа жолданған.

Ернат Абдрахимов, Жетісу облысы ПД киберқылмысқа қарсы іс-қимыл басқармасының аға жедел уәкілі:

Интеллектуалдық бағытты құзырлы органдардың барлық салада пайдаланған жөн деп санаймыз. Қазіргі заманда алаяқтардың көп пайдаланатын көп түрі - интернет алаяқтық. Интернет алаяқтықтың алдын алу бағытында  Президентіміз Жолдауында айтып өткендей, цифрландыру өте қарқынды күш береді деп санаймыз.

Дамир Нұрмұхамет