Маңғыстау облысында қызметін асыра пайдаланған шенеуніктер сотталды

Маңғыстауда «Oil Transport Corporation» мекемесі бас директорының орынбасары сотталды.

Облыстық Прокуратура компанияның қызметін тексеру барысында, заңсыздық анықтаған. Тергеу нәтижесінде кәсіпорын бас директорының орынбасары мен мердігер компанияның екі басшысы қамауға алынды. Сотта олардың кінәсі дәлелденген. Лауазымдық өкілеттігін теріс пайдаланып, ауыр зардаптарға әкеп соққан әрекеті үшін бас директордың орынбасарына 3 жыл, қалған екеуіне 2 жыл мерзімге бас бостандығын шектеу жазасы қолданылды. Сотталғандар 250 млн теңге көлемінде шығынды өтеген.

Айта кетейік, кәсіпорын мұнай компаниясына техника мен көлік қызметтерін көрсетеді.

Аягөз Оралбайқызы