Трамп мемлекеттік сапармен Ұлыбританияға екінші рет барды

АҚШ президенті Дональд Трамп мемлекеттік сапармен Ұлыбританияға барды. Бүгін оны Виндзор қорғанында Карл Үшінші қабылдайды. Құрама Штаттар лидері премьер-министр Кир Стармен де келіссөздер жүргізеді. Трамп Лондонға Америка әкімшілігі Украинадағы соғысты тоқтатуға белсенді түрде әрекет жасап жатқан шақта барды. Сондықтан бұл мәселе Стармен кездесуде басты тақырыптардың біріне айналуы мүмкін.

Айта кетсек, Трамп Біріккен Корольдікке мемлекеттік сапармен екі мәрте барған бірінші АҚШ президенті. Бұған дейінгі мерзімінде Ақ үйдің қожайыны Ұлыбританияға 2019 жылы дәл осындай деңгейде алғаш рет сапар шеккен екен.