Архив қызметкерлерінің жалақысы 25 пайызға өседі

Келесі жылдан бастап аудан мен ауылдағы архив қызметкерлерінің жалақысы 25 пайызға өседі. Бұл туралы Мәжіліс депутаттары айтты. Олардың сөзінше, аталған сала мамандарының ең төменгі еңбекақысы 300 мың теңге болады. Төменгі палатың жалпы отырысында архив саласын цифрландыру мәселесі де қаузалды. Жиында айтылған тағы бір мәселе Алматы мен Астанада екі ұлттық архив пайда болады. Нақтырақ айтсақ, қос қаладағы мемлекеттік архивтерге «Ұлттық» деген статус беріледі. Бұл сонда жұмыс істейтін қызметкерлерге 1,75 коэффициентпен жоғары еңбекақы алуға мүмкіндік береді.