650 мыңнан астам тұрғын Газадан көшуден бас тартты

Израиль армиясы Газа қаласын басып алу операциясын жалғастырып жатыр. ЦАХАЛ жексенбіде қалаға үшінші дивизиясын енгізді. Мақсат – «Хамас» тобының инфрақұрылымын қирату және кепілдегі азаматтардың барлығын босату. Үздіксіз шабуылға қарамастан, 650 мың бейбіт тұрғын Газа қаласынан көшуден бас тартқан. Олардың айтуынша, Секторда қауіпсіз жер қалған жоқ. Соңғы мәліметтерге сай Израильдің 2 жылға созылған шабуылынан 65 мыңнан астам палестиналық қаза тапқан. Жараланғандар саны 166 мыңнан асты.