Президенттік жастар кадр резервінің келесі кезеңі басталды

Президенттік жастар кадр резервінің келесі кезеңіне өткен үміткерлердің тізімі жарияланды. Құзіреттілікті бағалау сатысына 309 жас маман жеткен еді. Солардың ішінен ең жоғары ұпай жинаған 200-і іріктеліп, сұхбат кезеңіне өтті. Жалпы, бұл жоба Президенттің бастамасымен мемлекеттік аппараттағы басшылардың жаңа буынын әзірлеуге бағытталған. Қатысушылардың жоғары білімі, кемінде 5 жыл жұмыс өтілі және қазақ тілін білуі шарт.