Италияда Газаны қолдаған жалпыұлттық шеру өтті

Италияның 80 қаласы мен қалашығында Газадағы палестиналықтардың жаппай өліміне қарсы 24 сағаттық жалпыұлттық шеру өтті. Оған қатысушылар ел билігінен Израильмен дипломатиялық қарым-қатынастарды үзуді, санкциялар жариялауды талап еткен. Наразылық акциясына теңіз көлігі, логистика, темір жол, білім саласы тәрізді бірқатар сала қызметкерлері қатысты. Милан мен Венеция қалаларында демонстранттар полициямен қақтығысқан. Болоньяда автострада бұғатталса, Генуяда порттарға кіретін жолдар жабылды. Полиция шеруді тарату үшін су, газ қаруын қолданған. Ал шеруге шыққандар тәртіп сақшыларына орындық, жанғыш файерлер лақтырды. 60-тан аса полиция қызметкері зардап шеккен. Миландағы тәртіпсіздіктер кезінде ондаған адам ұсталды.