АШМ: Сиыр еті бұдан ары қымбаттамайды

Еттің бағасын негізсіз көтергендер жазаланады. Саудагерлер үстемақыны 15 пайыздан асырып жіберсе, 5-тен 150 айлық есептік көрсеткішке дейін айыппұл салынбақ. Егер бір жыл ішінде қайталанса, айыппұл мөлшері 10-нан 300 айлық есептік көрсеткішке дейін жетеді. Ауыл шаруашылығы министрі Айдарбек Сапаровтың айтуынша, сиыр етінің бағасы бұдан былай өспейді. Елімізде мал басы жеткілікті және көбейіп келеді. Сиыр етінің қымбаттауына жем-су, жанар-жағармай құнының көтерілуі әсер етіп отыр, - дейді ведомство басшысы.

Айдарбек Сапаров, Ауыл шаруашылығы министрі:  

Бұл жерде айтып кету керек, еттің әртүрлісі бар. Үшке бөлінеді.  Бүгінгі күні ол 500 теңгеге мүмкін өсті. Бірақ әрмен қарай өсу болмайды. Орташа баға 3200-ден 3500-ге дейін, фермерлер бүгін өткізіп жатыр. Нарықта сатуға байланысты.