АҚШ Қазақстанның ірі сауда серіктестерінің қатарында

АҚШ Қазақстанның сыртқы сауда серіктестерінің қатарында тоғызыншы орында тұр. Кейінгі он жылда екі ел арасындағы тауар айналымы тұрақты өсім көрсеткен.  Мәселен, 2015 жылы 1 млрд 900 млн доллардың саудасы жасалса, 2024 жылы бұл көрсеткіш 4,2 млрдқа дейін жетті. Оның ішінде Қазақстанның экспорты 1,97 млрд, импорт 2,24 млрд доллар. 2025 жылдың ІІ тоқсаны басындағы жағдай бойынша Қазақстанның АҚШ-қа портфельдік инвестициялары 48,7 млрд долларды құраса, Қазақстан экономикасына АҚШ тарапынан 38,9 млрд доллар көлемінде тікелей инвестиция салынған. Ал 2005 жылдан бері тартылған тікелей инвестициялардың жалпы көлемі 51,8 млрд долларға жеткен.