Париж Киевке 100 Rafale жойғыш ұшағын беретін болды

Франция алдағы он жылда Украинаға «Рафаэль» әскери ұшақтарының 100 данасын бермек. Эмманюэль Макрон мен Владимир Зеленский Украинаның қорғаныс қабілетін арттыру ниеті жайлы декларацияға дүйсенбі күні қол қойды. Сол құжат аясында Париж Киевке оқ-дәрілер мен дрондар және әуе қорғанысы жүйелерін де жеткізеді.

Өткен айдың соңында Зеленский мәлімдегендей, Украина 250 ұшақтан тұратын әуе күштерін құрудан үмітті. Оның құрамына «Рафаэльмен» бірге Американың F-16, шведтің Gripen ұшақтары да кірмек.

Айта кетсек, «Рафаэльдің» соңғы үлгілері қарым-қабілеті жағынан Ресейдің Су-35 ұшақтарымен деңгейлес.