Трамптың санкциялары бүгін күшіне енеді

АҚШ президенті Дональд Трамптың Украинадағы соғыс үшін Ресейге жариялаған санкциялары Вашингтон уақытымен бейсенбіден жұмаға қараған түні күшіне енуі керек. Оның басты нысанасы – «Роснефть» пен «Лукойл» компаниялары. Кейбір сарапшылар бұл шектеулердің мақсатына жете алатынына күмән келтіріп отыр. Дегенмен әлем ақпарат құралдарының хабарлауынша, жаңа санкциялар әрекет ете бастамай тұрып-ақ Қытай, Үндістан, Түркия Ресейдің энергетикалық шикізатын импорттарда сақтық таныта бастаған.

Сонымен қатар бүгіннен бастап «Лукойлмен», «Роснефтьпен» бизнес жасаған компаниялар екінші реттік санкцияға алынып, доллардан, америкалық қаржы институттарынан алыстатылып, ірі көлемде айыппұл төлеуге міндеттеледі.