Әлем жаңалықтарына шолу

Украина президенті Владимир Зеленский бейбітшілік жөніндегі келісім жасау үшін осы аптада АҚШ-қа баруы мүмкін. Мұны бүгін осы елдің Қауіпсіздік және қорғаныс кеңесінің хатшысы Рүстем Умеров мәлімдеді.

Өткен түні Пәкістан әуе күштері Ауғанстанның шығысына соққы берді. «Талибан» үкіметінің мәлімдеуінше, бомбалау операциясынан Хост провинциясында 1 әйел мен 9 бала қаза тапқан.

Жығылғанға жұдырық. Екіжылдық соғыстан тас-талқаны шыққан Газа секторында жауын құйып, баспанасыз қалған тұрғындардың шатырларын су басып жатыр.

Бүгін Қытай ғарышқа «Шэньчжоу-22» миссиясын аттандырды. Ол қарашаның 5-де космостық қоқыстан зақымданған кеме жеткізе алмаған үш астронавтты жерге қайтарады деген үміт бар.