Австралияда орман өртімен күреске мыңдаған адам тартылды

Австралияның оңтүстік-шығысында орман өртімен күрес жалғасып жатыр. Соңғы мәліметке қарағанда, 1 адам қаза тауып, 300-дей баспана жанып кеткен.

Жалын Виктория және Жаңа Оңтүстік Уэлс штаттарында ондаған аумақты шарпыған. Соның салдарынан Үлкен Лондонның көлеміндей территория күлге айналды.

Виктория штатында төтенше жағдай жариялауға тура келді. Мұнда тілсіз жаумен күреске мыңдаған адам тартылып, он шақты қауымдастықтың тұрғындарына көшуге кеңес беріліп отыр.