Атырауда 4 мыңнан астам азамат 321 миллион теңге көлік салығын төлемеген

Атырау облысында 4 мыңнан аса адам көлік салығын төлемеген. Берешек 321 миллион теңге. Мемлекеттік кірістер департаментінің айтуынша мұның 226  миллионы - негізгі қарыз, ал 95  миллионы - кешіктіргені үшін қосылған үстемақы. Енді тұрғындар көлік салығын 1 сәуірге дейін төлеуі тиіс. Егер берешек өтелмесе, іс жеке сот орындаушыларына жолданады. Кейін мәжбүрлі түрде өндіріп алу үшін шара  қолданылады, дейді мамандар.