Доллар бағамы 466 теңгеге дейін түсті

Таяу Шығыстағы банктерде 2 мыңға жуық қазақстандықтың есепшоттары тіркелген. Көбі яғни 890 банктік шот - Түркияда. БАӘ-де – 874, Израильде – 53. LS порталының хабарлауынша, бұл 2024 жылы алынған деректер. Ал бүгін Қазақстан қор биржасында доллар орта есеппен 466 теңге 33 тиын деп бағаланып, 4,7 теңгеге арзандаған. Ұлттық банк 6 сәуірге ресми бағамды 470 теңге 46 тиын деп белгіледі. Астанадағы айырбастау орындарында долларды сатып алу бағамы 463,00 теңге, сату бағамы 470,00 теңге. Алматыда орта есеппен 462 теңгеден алып, 465 теңгеден сатып жатыр.