«Болашақ ойындарының» жетінші күні жерлестеріміз үшін сәтті өтті

Фиджитал футболдан отандық  ALLUR командасы бразилиялықтарды ұтты.  Жерлестеріміз алғашқы монитор алдындағы ойында 1:0 есебімен басым түсті. Ал жасыл алаңға шыққанда қарсылас қақпасына 2 гол соқты. 

Жалпы, «Болашақ ойындарының» 7-күні тартысқа толы болды. Фиджитал-футбол турнирінде әлемнің 16 үздік клубы бақ сынап жатыр. Бұл бәсекеде Қазақстан намысын қос құрама қорғап жатыр. Алғашқы ойында жерлестеріміз UEL құрамасы аргентиналықтарға есе жібергенмен, екінші ALLUR командасы бразилиялықтарды 3:0 есебімен жеңді.  Сондай-ақ  Дота додасы да  жалғасып жатыр. Қазақстандық команда бұл ойын түрінен жартылай финалға шықты. Көпшіліктің көзайымына айналған киберспорт пен дәстүрлі спортты ұштастырған турнирге келген қонақтарда оң бағасын беріп жатыр.