Күн райы күрт бұзылады

Бұған дейін синоптиктер ауа райының күрт нашарлауы туралы ескерту жасаған. Еліміздің 17 облысында нөсер жаңбыр, найзағай, бұршақ, екпінді жел және кей жерлерде дауыл тұруы мүмкін. Ең күрделі ауа райы Астана, Ақмола, Солтүстік Қазақстан, Қарағанды, Шығыс Қазақстан, Павлодар, Жетісу, Алматы, Жамбыл, Абай, Ұлытау және Түркістан облыстарында болжанып отыр. Кей өңірлерде желдің екпіні секундына 25-28 метрге дейін жетеді. Сонымен қатар Атырау, Маңғыстау және Ақтөбе облыстарында аптап ыстық сақталып, ауа температурасы 35-40 градусқа дейін көтеріледі. Қазгидрометтің мәліметінше, елдің бірқатар өңірінде жоғары және төтенше өрт қаупі де сақталады.