₸10 млн-ды айналымға заңсыз енгізген күдікті ұсталды

Ақтөбеде дроп-карталарды заңсыз айналымға енгізген күдікті ұсталды.

Тергеу барысында оның 18-25 жас аралығындағы жастардан банк карталарын 20-30 мың теңгеге сатып алып, кейін оларды үшінші тұлғаларға қайта сатқандығы анықталды. Бұл карталар алаяқтық жолмен келген қаражатты қолма-қол ақшаға айналдыру мақсатында пайдаланылған. Айта кетейік, аймақта жыл басынан бері алаяқтық қылмысқа қатысы бар 60-тан астам дроппер ұсталған. Сондықтан полицейлер тұрғындарға банк карталарын, банк шоттарын бөгде адамдарға беруге, сатуға немесе пайдалануға беруге болмайтынын ескертеді.