Мұнай бағасы құбылып тұр

АҚШ президенті Дональд Трамп өз әкімшілігінің сейсенбіде күні бойы Иранмен «өте жақсы» келіссөз жүргізгенін мәлімдеді. Содан кейін Таяу Шығыста бес ай бұрын басталған соғыс жақында аяқталады деген үміт қайта пайда болды. Бұл оптимизм нарыққа жақсы әсер етіп, мұнайдың Brent маркасы баррелінің бағасы 79 долларға дейін төмендеді. Дегенмен «Рейтер» агенттігінің өзге бір дерегінше, Иранға жақтас йемендік хуситтер Қызыл теңізде саудиялық танкерге шабуыл жасадық деп хабарлағаннан кейін, мұнай бағасы қайта көтеріліп, 80 доллардан асып кеткен.