Ақмола облысында ұйымдасқан қылмыстық топтың 21 мүшесі сотталды

Ақмола облысында ұйымдасқан қылмыстық топтың 21 мүшесі сотталды. Олар үйсіз-күйсіз жүргендер және есірткі мен алкогольге тәуелді жандардың атына несие рәсімдеген. Облыстық соттың мәліметінше, сотталғандар 5 жыл бойы 176 эпизод бойынша 49 банк пен микроқаржы ұйымдарына 1,8 миллиард теңгеге жуық залал келтірді. Қылмыстық іске Астана, Алматы, Көкшетау мен Петропавл қалалары және Ақмола мен Алматы облыстарында тұратын азаматтардың қатысы бар. Нәтижесінде ұйымдасқан қылмыстық топтың мүшелерін 5 жылдан 10 жылға дейін бас бостандығынан айыру туралы үкім шықты.