Қостанайда лицензиясыз несие берген тұрғын 2 жыл 8 айға сотталды

Қостанайда лицензиясыз несие беріп,1 млрд теңгеден астам заңсыз пайда тапқан тұрғын сотталды.  Ол азаматтардың қаржылық жағдайының төмендігін пайдалынып, жылдық мөлшерлемесі 120 пайызға дейін жететін қарыз берген.  Тіпті келісімшартта берешек көлемін еселеп көрсеткен. Мұндай тиімсіз шартпен 50 адам несие алуға мәжбүр болған. Сот айыпталушыны 2 жыл 8 айға бас бостандығынан айырды. Сонымен қатар қылмыстық жолмен алынған төрт пәтер, екі жер учаскесі мен 3 автокөлік мемлекет меншігіне тәркіленді.