Ұлыбританияда кейуана ұшақтың қанатына шығып, рекорд жаңартты

Ұлыбританияда 97 жастағы Бетти Бромейдж Гиннестің рекордтар кітабына қайта енді. Кейуана әуедегі ұшақтың қанатында тұрып, өзінің бұған дейінгі рекордын жаңартқан. Мұндай қадамға көзінің нашар көруі де кедергі болған жоқ. Трюктен жиналған қаражат Челтнем қаласындағы ауруханаға беріледі. Бұл медициналық мекемеде Бетти Бромейдж былтыр инсульттен кейін ем алған екен. Кейуана мұнымен тоқтамай, 100 жасында да осындай қайсарлыққа баратынын мәлімдеді.