Ескі үйлерді ипотекалық несиеге рәсімдеу талаптары өзгерді

Отбасы банк панельден және керамзитбетоннан салынған үйлерді ипотекалық несиеге рәсімдеу талаптарын жеңілдетті

Мұндай баспаналарды пайдалану мерзімі 50 жылдан 60 жылға дейін ұзартылды. Қаржылық ұйым мәліметінше, бұл шешімді қабылдауға көптеген клиенттен түскен өтініш себеп. Сонымен қатар банк СИП-панельдерден салынған жеке тұрғын үйлерді де кепіл ретінде қабылдай бастады. Мұндай баспаналардың пайдалану мерзімі 5 жылдан аспауы және тек құрылыс компаниясынан сатып алынуы тиіс. Банк өкілдері талаптардың өзгеруі кепілдік сапасына қойылатын бақылауды төмендетпейтінін атап өтті. Әр тұрғын үйдің техникалық жағдайы, нарықтағы сұраныс деңгейі және қауіпсіздік талаптарына сәйкес жеке бағаланады.

Мархабат Сынасапова, «Отбасы банк» АҚ PR-менеджері:

Республика көлемінде ірі қалаларда ғана, алғашқы нарықта жаңадан салынған тұрғын үйлердің құрылысы қарқынды. Екінші нарықтан сатып алуға сұраныс көптеп түседі. Осы себептен де несиелендіру көлемі ұлғайып, халықтың басым бөлігін екінші нарықтаған қамтамасыз ету мақсатында осындай шешім қабылданып жатыр.