«Болашақ ойындары – 2026»: Фиджитал-би бойынша үздіктер анықталып жатыр

Елордада «Болашақ ойындары – 2026» халықаралық турнирінің кезекті жарыс күні өтті. Цифрлық технология мен хореографияны ұштастырған сайыста Қазақстан намысын Гүлназ Аманғали есімді биші қорғап жатыр. Ол іріктеу кезеңінен сүрінбей өтіп, ширек финалға жолдама алды. Фиджитал-би жарысының жалпы жүлде қоры - 75 мың АҚШ доллары. Бұл бағытта қатысушылар экрандағы ойын кейіпкерінің қимылдарын дәл қайталайды. Орындау сапасы мен дәлдігін, арнайы ойын алгоритмдері бағалайды. Жарысқа 16 биші қатысып жатыр.