Қайтарылған активтер есебінен тағы екі мектеп салынып жатыр

Жетісу облысында қайтарылған активтер есебінен екі мектеп салынып жатыр. Оның бірі - Көксу ауданындағы Рудничный ауылында. 200-ге жуық оқушы жаңа оқу жылын осы мектепте бастайды. Құрылысқа 2 млрд 500 млн теңге бөлінді. Ғимаратта шағын орталық пен мектепалды даярлық тобы ашылады. Айта кетейік, Жетісу облысында соңғы үш жылда қайтарылған активтер есебінен 29 әлеуметтік нысан салынды. Оған 42 млрд теңгеден астам қаржы бөлінген.

13 мың тұрғыны бар 21 елді мекенде заманауи медициналық құралдармен жабдықталған 21 денсаулық сақтау нысаны салынды. 4 ауылға су құбыры тартылып, олардың барлығы сапалы ауыз сумен қамтылды.  

Қаратал ауданы Морозов мектебіне қаражат бөлініп, салу жұмыстары басталды. Көксу ауданы Балпық би мектебіне қаражат бөлу қарастырылып жатыр. Талдықорған қаласында 1200 орындық мектептің құжаттары дайын, өтініш берілді.