Сайлау учаскелеріндегі мүмкіндігі шектеулі жандарға жасалған жағдай тексеріліп жатыр

Ақмола облысында  23-тамызда өтетін Құрылтай депутаттарының сайлауына дайындық қызу жүріп жатыр.

Әсіресе, мүгедектігі бар адамдар үшін учаскелердің қолжетімді болуы басты назарда. Пандустар мен тұтқалардың және кіреберістердің ыңғайлы болуы қазірден тексеріліп жатыр. Сондай-ақ құпия дауыс беруге арналған кабиналар, кресло-арбаларға арналған орындар, байланыс құралдары мен қажетті жабдықтардың әзірлігіне көңіл бөлінді. Тек Көкшетау қаласы бойынша сайлау күні мүмкіндігі шектеулі жандар үшін 8 көлік пен 5 инватакси, 7 сурдоаудармашы бекітілген.

Еркін Ғаббас, Көкшетау аумақтық комиссиясының мониторингтік тобының өкілі:

Біздің қаламызда 65 сайлау учаскесі бар. Соның 10-ын тексердік. Жаңа ғимарат болғандықтан барлық стандарттары сақталған. Кабинкаға кіруге зағип жандар үшін, құлақтары естімейтін, көздері көрмейтіндерге барлық жағдай жасалған. Микрофондар, лупалар, брайль арқылы таңдау жасайтын құрылғылары бар.