TikTok-та балағат сөз айтқан тұрғын 5 тәулікке қамалды

Тараз қаласының тұрғыны TikTok әлеуметтік желісіндегі тікелей эфир кезінде балағат сөздер айтып, әдепсіз әрекет көрсеткені үшін 5 тәулікке қамалды.

Полиция қызметкерлері «Тау адам» атты парақшаның көне шаһардың тумасы Абзал Салиховқа тиесілі екенін анықтады. Тікелей эфир барысында қоғамдық тәртіп пен әдеп нормаларына қайшы әрекет жасағаны үшін оның үстінен іс қозғалып, сотта қаралды. Салихов айыбын мойындап, халықтан кешірім сұрады.