Бидай импортына уақытша тыйым салынды

Қостанай облысында бидай импортына уақытша тыйым салынды. 6 ай мерзімге қойылған шектеу Еуразиялық экономикалық одаққа мүше мемлекеттерден әкелінетін өнімге қатысты. Дегенмен, теміржол арқылы құс шаруашылығы мен астық өңдейтін кәсіпорындар сынды бірқатар ұйымға  бидай жеткізуге рұқсат. Сондай-ақ транзиттік тасымалға да тосқауыл жоқ.

Ділназ Әмірбекова, Қостанай, облысы бойынша МКД баспасөз хатшысы:

Астық өңдеу кәсіпорындарына, лицензияланған элеваторларға және «Азық-түлік келісімшарт корпорациясы» ұлттық компаниясына әкеле алады. Бірақ мұндай бидайды сыртқы нарыққа шығаруға болмайды, тек өз қажеттіліктеріне ғана пайдалануы тиіс. Мұндай шаралар тұрақты түрде жүргізіледі. Мақсаты – отандық өнімге қолдау көрсету.