«Абай мұрасы» республикалық челленджі басталды

Астана жастар ресурстық орталығының ұйытқы болуымен әлеуметтік желіде #АбайМұрасы атты республикалық челлендж басталды. Олар өлең оқып, хәкімнің қара сөздерін насихаттап, әндерін шырқады.

Игі бастама ұлы ақынның әдеби мұрасын дәріптеу және өскелең ұрпақтың рухани-мәдени құндылықтарға қызығушылығын арттыруға бағытталған. Себебі Абай дегенде – қазақ жұрты, болмаса қазақ халқы дегенде – Абай есімі еске түседі. Тұғырлы тұлғаның келбеті бүгінде тұтас елдің болмысын айшықтап тұр. Қазіргі уақытта челлендж Алматы, Шымкент, Павлодар және Талдықорған қалаларының, сондай-ақ Жетісу облысының жастар ресурстық орталықтары тарапынан қолдау тауып, республиканың өзге де өңірлеріне кеңінен таралып жатыр.