Бірқатар өңірде аптап ыстық болады

Бүгін Қазақстанның бірқатар өңірінде ауа температурасы +44 градусқа дейін көтеріледі. «Қазгидромет» дауылды ескерту жариялады.

Синоптиктердің болжамынша, Маңғыстау облысында 44 градусқа дейін  ыстық болады. Түркістан және Қызылорда облыстарында 43 градус, ал Атырау, Ақтөбе, Батыс Қазақстан және Қостанай облыстарында 41 градусқа дейін ысуы мүмкін.

Елдің басым бөлігінде ыстық болса, таулы аймақтарда нөсер болуы ықтимал. Көптеген облыстарда өрт қаупі өте жоғары деңгейде. Сондықтан мамандар тұрғындарға аптап ыстық кезінде далада ұзақ жүрмеуге, өрт қауіпсіздігі ережелерін қатаң сақтауға кеңес береді.