Талдықорғанда тұрғын үйлер жөнделіп жатыр

Талдықорғанда «Таза Қазақстан» экологиялық акциясы аясында көпқабатты үйлердің сыртқы келбеті жаңарды. Қазір қаладағы 24 үйдің қасбеті жөнделіп, 33 ғимараттың шатыры ауыстырылып жатыр. Жөндеу жұмыстары қазан айында аяқталады. Жөнделіп жатқан үйлердің дені 1970-1980 жылдары салынған. Жобаға жергілікті бюджеттен 2,5 миллиард теңге бөлінді.

Алмас Барлыбеков, қалалық ТҮКШ бөлімінің басшысы:

Қаламызда 19 көпқабатты тұрғын үйлердің аулалары күрделі жөндеуден өткізілуде. Жоспар бойынша қазан айына дейін аяқтау көзделген. 24 ауланы абаттандыру қарастырылған. Оның да мердігер компаниясы енді ғана аяқталды. Қазір дайындық жұмыстары жүргізілуде. Қазан-қараша айына дейін барлық жұмыстарды аяқтау жоспарланып отыр.