Жүргізушісіз көліктер сынақтан өтеді

Қазақстанда жүргізушісіз көліктерді сынауға арналған пилоттық жоба іске қосылады. Үш жылға жоспарланған жоба Астана, Алматы және Қосшы қалаларында жүзеге асады. Автономды көліктер алдымен арнайы полигондарда, кейін қоғамдық жолдарда сыналады. Жүргізушісіз көліктердің қозғалысын қашықтан оператор бақылайды. Автономды көліктерді такси ретінде пайдалануға да мүмкіндік қарастырылған. Бұл ретте әр көлік міндетті түрде сақтандырылуы тиіс. Жоба барысында көліктердің қауіпсіздігі, бағдарламасы мен киберқауіпсіздігі де тексеріледі. Қаулы 21 тамызда күшіне енеді.