Ақтөбелік жастар өзен-көлдердің жағасын тазалады

Ақтөбелік жастар өзен-көлдердің жағалауын қоқыстан тазартты. Бүгін олар Қызылжар ауылы тұрғындарының өтінішімен Жаман Қарғалы өзеніне келді.

Мұнда демалуға келетіндердің кейбірі айналаға азық-түлік қаптамалары мен сусыннан босаған құтыларды шашып кеткен.  Сондықтан жылына екі-үш мәрте осылай тазалық акцияларын ұйымдастыруға тура келеді. «Жасыл ел» жастар еңбек жасағының мүшелері бұған дейін «Ақтөбе» су қоймасы мен Елек өзенінің жағалауын да қоқыстан арылтқан еді. Белсенді жастардың айтуынша, осындай акция сайын 2-3 тонна тұрмыстық қалдық жиналып, полигондарға шығарылады.

Артур Әзиев, облыстық «Жасыл ел» жастар еңбек жасақтары штабы төрағасының орынбасары:

Халықтың сұрауы бойынша. Бізге өтініш жасаған болатын, осы жер шашылып жатыр деп. Халықп демалатын жер ластанып қалған екен. Соны тазалап жатырмыз. Бұл жерде 80-ге жуық жас қатысып жатыр, «Таза қала – таза жағалау» акциясы аясында.