Павлодарда қамалған кәсіпкер ауруханаға жатқызылды

Павлодарда кәсіпкер Александр Терентьев қамауға алынды.

Естеріңізге сала кетейік, шілденінің 20 күні бизнесменнің иелігіндегі «Aqtogai Milk» тауарлы сүт фермасында алты адам қайтыс болған еді. Тағы бір адам ауруханада жатыр. Алдын ала мәліметке қарағанда, олар малдың қалдықтары жиналатын «улы ұраға» жөндеу жұмыстарын жүргізу үшін түсіп, аммиак иісіне тұншыққан. Қайғылы оқиғаға байланысты тергеу әлі жүріп жатыр. Күдікке ілінген кәсіпкер тергеушінің шешімімен қамалды, алдағы екі тәулікте сот оған қатысты бұлтартпау шарасының мерзімін белгілеу керек болатын. Осы ретте бір айта кетері, уақытша ұстау изоляторында күдіктінің халі күрт нашарлап, ол жедел жәрдеммен ауруханаға жеткізілген.