Еліміздің бірнеше өңірінде аптап ыстық сақталады

Қазақстанның бірқатар өңірінде аптап ыстық сақталып, ауа температурасы 44 градусқа жетеді. Синоптиктер бірнеше облыста төтенше өрт қаупі жоғары деңгейде болатынын айтып отыр.

Болжам бойынша, Түркістан, Қызылорда, Жамбыл және Абай облыстарында күн қатты ысиды. Жоғары температура алдағы күндері де сақталады, сондықтан күн райын жіті бақылап отыру қажет. Мамандар күннің ең ыстық шағында далада ұзақ жүрмеуге, көп мөлшерде су ішіп, өрт қауіпсіздігі ережелерін сақтауға кеңес береді.