Еліміздегі жастар саны 6 миллиондай

Бүгін – халықаралық жастар күні. Бүгінде елімізде 14-35 жас аралығындағы 6 млн-ға жуық жас бар.

Білімді жастардың да жыл сайын саны артып келеді. Мәселен 655 мың жастың жоғары білімі бар. Соның ішінде Алматыдағы жоғары білімді жастардың үлесі 28%, Шымкентте 21%, Астанада 19%. Сондай-ақ, елде 8,7 мың жас ғалым еңбек етеді. Ал «Болашақ» бағдарламасы арқылы 13 мыңнан астам қазақстандық шетелде білім алған. Қазір жастар арасындағы жұмыссыздық деңгейі 3,1% шамасында. Айта кетейік, «Жастар практикасына» соңғы екі жылда 39 мыңға жуық жас қатысып, оның 6,5 мыңы тұрақты жұмысқа орналасқан. Ал соңғы бес жылда 145 мыңан астам жас баспанамен қамтылған. Ал соңғы 5 жылда кәсіпкерлікпен айналысамын деген жастарға 1 трлн теңгеден астам қаржы бөлінген.