Басты Жаңалықтар Президент бір топ қоғам қайраткерін марапаттады

Президент бір топ қоғам қайраткерін марапаттады

12.08.2026 17:00

Мемлекет басшысы Ақорда төрінде өмір жолы өскелең ұрпаққа үлгі-өнеге болатын, ұлт мүддесі үшін қажырлы қызмет еткен бір топ азаматқа құрмет көрсетіп, мемлекеттік наградалармен марапаттады.

Атап айтқанда, көрнекті суретші, танымал өнер қайраткері Бәтима Зәуірбековаға «Отан» ордені, көрнекті әдебиеттанушы ғалым Тұрсын Жұртбайға I дәрежелі «Барыс» ордені, мемлекет қайраткері Александр Судьинге II дәрежелі «Барыс» ордені табысталды. Ауыл шаруашылығы саласының ардагері Виктор Хильниченкоға «Қазақстанның еңбек сіңірген қайраткері» құрметті атағы, белгілі актер, көрнекті театр режиссері Нұрқанат Жақыпбайға «Қазақстанның халық әртісі» атағы берілді.

Нұрқанат Жақыпбай, актер, көрнекті театр режиссері, Қазақстанның халық әртісі:

Жастар театры деген театрым бар. Шәкірттерім бар, солардың еңбегінің жемісі деп тұрмын. Олар болмаса, бұл марапатқа үміт етпес едім. Жастар қолыңнан сүйеді, сіз біз үшін аман болыңыз деген. Міне, осы үшін өмір сүруге болады.

Автор

Раушан Сайлауқызы

Бөлісу