Премьер-министр деректерді өңдеу алқабына қатысты жиын өткізді

Павлодарда салынып жатқан Деректерді өңдеу орталығы алқабындағы алғашқы нысан келесі жылы маусымда іске қосылады. Қазір энергия орталықтарының іргетасы қалана бастаған. Бұл туралы Премьер-министр Олжас Бектеновтың төрағалығымен өткен жиында айтылды. Үкімет басшысы құрылыстың сапалы әрі уақытылы аяқталуы басты назарда болуы тиіс екенін атап өтті.

300 мегаваттық Екібастұз бассейніндегі жаңа дата-орталықта отандық кәсіпорындар ғана емес, шетелдік компаниялар да орналасады. Еліміздегі деректерді өңдеу орталықтарын біріктіретін кластерді жасақтауды Президент Қызылордада өткен Құрылтайда тапсырған еді. Ауқымды жобаға Екібастұздың іргесінен 200 гектар жер бөлінген.