Мобильді аударымдарды салықтық бақылау: Лимит өзгереді

10-қарашадан бастап жеке тұлғалардың мобильді аударымдарын тексеруге қатысты шекті сома өзгереді. Бұған дейін үш айда 1 млн 20 мың теңге аударылса, салық органдары тексеретін. Енді бұл сома 1 млн 557 мың теңгеге дейін көтерілді. Қаржы министрлігі өкілдерінің айтуынша, бұл Кәсіпкерлік кодекс туралы заңдағы өзгерістерге байланысты. Ал талаптарына келсек, әлбетте жеке тұлғаның банк шотына түскен барлық ақша автоматты түрде табыс болып есептелмейді. Тек банктік шотқа 100 немесе одан да көп әртүрлі адамнан ақша аударылса, мұндай аударымдар қатарынан үш ай бойы түссе, аударым көлемі 1 557 000 теңгеден асса мобильді аударымдар кәсіпкерлік қызметтен түскен табыс ретінде қарастырылып, салық органдары тарапынан тексерілуі мүмкін.