Жамбыл облысындағы Ақсу су қоймасының айналасына ағаш екті

Жамбыл облысы, Шу ауданында «Таза Қазақстан» акциясы аясында Ақсу су қоймасының жағалауы тазартылды. Сондай-ақ айдынның айналасына ағаш егілді.

Бас-аяғы 1 500 түп қылқан жапырақты және жеміс ағашының көшеті отырғызылды. Табиғат жанашырлары 250 шырша, 300 алма және 300 түп алмұрт ағашын әкелді. Сондай-ақ келешекте айдынға барғандар аққайың мен ақ терек астында да демалады. Жалпы экологиялық  акцияға Ақсу ауылдық округі мен Көкқайнар ауылының тұрғындары белсенді ат салысты. Енді шарапатты шара Орман шаруашылығы және жер ресурстарына жауапты мамандардың атсалысуымен көрші ауылдарда да жалғаспақ.