Басты Жаңалықтар Қошқарата өзенінің бойынан демалыс аймағы ашылды

Қошқарата өзенінің бойынан демалыс аймағы ашылды

06.06.2014 12:30

Шымкенттегі суы дертке дауа қасиетті - Қошқарата өзенінің бойынан демалыс аймағы ашылып, халық игілігіне берілді.

7 шақырымға созылатын жағалауда көпшіліктің алаңсыз серуендеп тынығуына, емдік судың шипасын сезінуіне барлық жағдай қарастырылған.

Игі іске бастамашы болған азаматтар алдымен қасиетті судан дәм татты. Содан кейін ғана демалыс аймағының тыныс-тіршілігімен танысты.

Мұнда ересектермен қатар, балалардың бос уақытын тиімді өткізуіне жағдай жасалған.

Спорттың кез-келген түрімен айналысуға мүмкіндік бар. Түгелдей жасыл желек жамылған өзен жағалауы әсем гүлдермен көмкерілген.

Ал, аптап ыстықта салқын самалды осындағы субұрқақтардың саясынан табуға болады.

Айта кетейік, бұл - облыс орталығында жыл басынан бері ашылған екінші демалыс орны.

Нұрғали Ақаев, Шымкент қаласының тұрғыны:

Бұл судың емдік қасиеті бар, деп айтатын. Кейіннен өзіміз түсіп, қасиетін байқадық. Тізе, бел, жүрек ауруларына ем. Сондай-ақ, қан қысымын түсіру үшін күзден бастап, қыс түскенше, екі күнде бір рет түсеміз.

Айнұр АҚБАЕВА

Автор

Айнұр Ақбаева

Бөлісу