Жасөспірім жазатайым күйіп қалды

ОҚО-да 12 жастағы жеткіншек  вагон-цистернасына шығамын деп күйіп қалды. Оқыс оқиға Арыс ауданына қарасты Талдықұдық станциясында болған.

Алтыншы сыныпта оқитын жасөспірім теміржол бойында қараусыз тұрған жүк пойызының үстіне шықпақ болған. Осы кезде оны абайсызда контактілі желінің электр тоғы соққан.

Қазір денесінің елу пайызын күйік шалған науқас Арыс аудандық орталық ауруханасының жансақтау бөлімінде жатыр.

Дәрігерлер жеткіншектің денсаулығы ауыр, дейді.

Айнұр АҚБАЕВА