Өнерін өміріне серік еткен жан

Шымкенттік әнші Роза Мұса мүмкіндігінің шектеулі екеніне қарамастан өнер жолында еңбек етіп келеді. Бірінші топтағы мүгедек қазір облыстық филармонияның жетекші әншісі. Қазір эстрадалық, лирикалық әндерді шырқап жүрген ол көрермен көзайымына айналды.

Роза Мұсаныңкүнделікті өмірі қарбалас сәттерге толы. Кезекті концерттерге дайындық, сахнаға шығу, ән жазу сияқты қауырт жұмыстар әншінің өмірін толықтыра түседі.

Үлкен сахнада ән айтсам деген бала кездегі арманы орындалып, қазір толықтай өнер жолына бет бұрған.

Бала кезде биіктен құлап, қоларбаға таңылған. Содан бері талай қиын күндерді бастан өткерген. Бірақ, мойымады.

Роза Мұса енді өзінің жеке концертін өткізуді жоспарлап жүр. Жеке студияда ән жазып, жеке альбомын шығармақ.

Айнұр АҚБАЕВА