Ақтөбеде өндірілуге тиіс айыппұлдар сомасы 70 миллион теңгеден асқан

Ақтөбеде өндірілуге тиіс айыппұлдардың жалпы соммасы  70 миллион теңгеден асады. Оның көбі жол қозғалысы ережесін бұзғандардың үлесінде.

Бұл туралы Ақтөбе қаласы прокуратурасы мен облыстық Жастар саясаты мәселелері жөніндегі басқарма бірлесе өткізген шарада айтылды.

Автошеру Сәңкібай батыр, Әбілқайыр хан даңғылдары мен Мәншүк Мәметова көшелерімен жүрді. Түрлі заңбұзушылықтарға орай салынған айыппұлдарды уақытылы төлеу қажеттігі жария етілді. 

Мамандар жол бойы қоғамдық орындарға аялдап, түсіндіру жұмыстарын жүргізді. 

Жақсыбек КЕМАЛ