Ақтөбе облысында кәсіпкерлік саласы қарқынды дамып келеді

Ақтөбе облысының Алға ауданында былтыр «Бизнестің жол картасы-2020» бағдарламасы аясында құны 51,6 миллион теңге болатын 6 жоба іске асқан.


Ауқымды жұмыстардың нәтижесінде, өнеркәсіп саласындағы өнім көлемі 5 миллиард 710 миллион теңге болды. Аудандағы 1 700-ден астам кәсіпкерлік нысанда 5 жарым мыңға жуық адам еңбек етеді.

Мемлекеттік бағдарлама шеңберінде 21 кәсіпкер жеңілдетілген пайызбен несие алып, істерін кеңейтуге мүмкіндік алған. Ал, «Үдемелі индустриялық-инновациялық даму» бағдарламасы аясында ашылған ет өңдеу кешеніне 88 адам жұмысқа қабылданған.

Жақсыбек КЕМАЛ