Семейде жүк вагондары аударылып қалды

Темір жолда оқыс оқиға. Кеше Семей мен Шар станциялары аралығында жүк пойызының вагондары рельстен шығып кетті. Көмір тиелген вагондардың бірінің жақтауы сынып, 12 вагон аударылып қалды.
Ақтоғай бағытындағы 400 метрге жуық теміржол бүлінген. Оқиға салдарынан жеті бірдей жолаушылар пойызы 9 сағатқа дейін кестеден кешікті. Қазір оқиғаға қатысты сотқа дейінгі тергеу жұмыстары жүргізіліп жатыр.