Павлодар облысында 142 отбасы жаңа пәтерге қоныстанды

Биыл қоныс тойын жасаудан республика бойынша Павлодар облысы топ жарды. Өңірде жыл басынан бері жалпы көлемі 130 мың шаршы метр тұрғын үй салынған. Мыңға жуық отбасы жаңа шаңыраққа қоныстанды. Ал, бүгін 9 қабатты екі үйден 142 отбасы пәтер кілттерін алды.

Бұл - «Өңірлерді дамыту-2020» бағдарламасы арқылы қол жеткен игілік. Баспаналы болғандардың көбі - ұзақ жылдар бойы кезек күткендер. Олардың арасында мұғалімдер, дәрігерлер, көпбалалы отбасылар бар.