Павлодардағы «Қазақстан Алюминийі» АҚ  230 000 000 теңге айыппұл төледі

Павлодардағы «Қазақстан Алюминийі» АҚ-ы мемлекетке 230 млн теңге көлемінде айыппұл төледі. Себебі, зауыт  Энергетика министрлігімен құны 4 миллиард 300 миллион теңге болатын  инвестициялық міндеттемелерді орындауға келісім жасасқан. Сөйтіп  2015 жылы құжатқа қол қояды. Бірақ, жоспарланған жұмысты  толық атқармайды.

Нақтырақ айтқанда, 2 млрд. 300 миллион теңге көлемінде инвестиция салынбаған. Заңға сәйкес бұл қаржының 10 пайызы айыппұл ретінде  мемлекет есебіне өндірілуі тиіс. Сот соған сәйкес шешім шығарды. 

Болат АМАНБАЕВ